今日又因為同Dubai溝通出現問題.......
浪費左兩三個鐘時間，
而且Chad同Warren傾到好重火藥味.........
因為已經唔係第一次.......Chad重激到想喊咁劑......
搞錯左就搞返掂佢就算啦，
無謂不停咁爭拗誰是誰非.........

之後無咩做，臨收工同Anna傾msn，
傾到我六點半先走，反正返去都無咩做.......
主要都係同佢翻舊賬............
以前錯過就算啦，只要唔好再犯就足夠~~~~~
一時三刻既情緒低落絕對可以理解......
過多一排好啦女，但地球仲轉緊架~~~~~

雖然我唔係有錢人，但都覺得，
用錢解決到既問題，其實真係唔係問題黎架~~~~~

聽日會返公司一轉，幫Déborah份學校presentation執執，
係屋企好難做到野，順便返公司有得上網嘛...........
諗起都有d淒涼..........

今日下午三點既飯局，原來係定期公司活動~~~~
可能公司人數少左，所以只係隔離Pasta Factory搞，
叫做包左間餐廳玩，因為根本下晝都無乜客，
不過唔係純粹食野，每個人要食咩都要自己去煮.....
基本上有兩大種類選擇，意粉或薄餅~~~~
當然有專人從旁指導，我就揀左整意粉，
雖然薄餅好玩d，但想試下學自己屋企都整到既野........
個廚房d架生都好先進下.......之前都無留意.........
一個圓底鑊用既電熱爐，仲有一個會自動下降既炸缸......

我都係鍾意creamy d既意粉，整完後d人話我咁快既？
下？可能我無加自己既獨特材料啦，跟足做法去整~~~~
但又唔知邊個爆我做過餐廳.........不過所講只係Manager
而Vannia對我近乎各走極端既工作經驗勁好奇.........
當然，我無詳細咁解釋來龍去脈啦~~~~
係，我係好習慣入廚房，不過我真係唔識煮架.........

今日順便fairwell埋Kath，佢三月就會跟男友過澳洲住
又多走一個..........

hea到六點先返屋企~~~~~~

夜晚11點沖完涼，一攤落床就起唔返身........
Aaron臨訓叫我先熄燈訓覺...........

今朝Arron早我少少出門口，之後佢自己返公司，
逢星期三四佢會幫公司做野~~~~~

返去send份稿俾Arthur，有野改但話今日要.......
唯有偷雞拿拿聲搞埋佢，因為唔係呢度公司既野......

成日都好難上msn........算，反正今日都忙忙地......

Déborah send左佢份學校presentation俾我跟，
留返星期六日先幫佢搞~~~~
佢仲叫我影下依家多左張床，我間屋既相.........
都係weekend先搞啦~~~~~~

放工前上facebook見到Charles post左張相.......
中學唔知F.2定F.3既班照......又一經典......
我d相去哂邊呢？好似咁耐都未見過........

十點前我都係一個人活動，十點過後Arron先返黎，
返黎無耐，十一點前佢就沖涼訓教........
所以我都變得早訓少少.......無謂嘈到佢啦

我有結婚既一日~~~~~
至少，呢一刻我唔恨先，亦都唔到我恨~~~~~~~~

正如阿邪所講，好難想象我會拖住個女仔出現........
莫講話阿邪，我都想象唔到..........
我既單身形象太深入民心啦~~~~呵

尋晚臨訓先搵藥食，先發現無哂必理痛.......
求其飲左杯清熱酷就算........

今日都係無咩野做，MSN都出奇地靜~~~~

阿邪問點解我叫阿Joe做契弟，但仲叫佢做阿嫂喎？
基本上人地既老婆都通稱叫阿嫂架啦
咁我話叫佢做契嫂又唔制.........
查實我都唔會開口叫阿嫂既.......咁娘.......
都係叫返阿邪、肥邪、老邪親切D~~~~呵

Murray send email話要借我個modem返屋企用一個月，
原本都係佢地既，我點可以話唔方便呢？
不過Lunch返屋企前，同Caroline去買野食時講起，
佢返公司後即刻問Murray，我拎完過modem返去，
Caroline就同我講佢只俾佢父母用一個月，
所以肯定一個月就會還返俾我，
不過我地都打電話問去開internet account既詳情，
月費二百零for wirelesss 1G，但個modem就要買，
成二千個大洋............當堂唔使諗.........
其實我都唔大影響，都係一個月姐~~~~
最影響都係星期六日，同埋要返公司update日記~~~~~~
不過Arron今晚黎住就無得上網同Déborah傾計囉......

返屋企執下野，八點零Arron兩公婆上左黎一轉，
差唔多十點Aaron先同個fd搬張床上黎，
依家擺左係電視機前，要研究下另一個位做sit up......

佢地睇完歐冠杯先走，之後再上返黎訓
我都唔搞咁夜，打完呢篇野，12點半就沖涼訓覺~~~~

尋晚太夜訓，雖然起到身，但頭重重.......

今日無乜野做，上午發現個身有少少慶，
似想返燒既跡象........
唔理得咁多，行得走得就無事~~~~~~

成日一邊做一邊傾MSN，
上畫主力Anna叫我好搵返個人照顧下自己.........
我未至於老到要人照顧呀嘛..........？
講到好似請賓賓咁容易.........
其實，無野比年紀愈大愈沉靜更正常不過吧？

下晝繼續遊手好閒，
得閒到睇埋阿邪既forward email~~~~~~
做佢果行真係辛苦，不停咁俾人將軍..........
不過咁多年睇住阿邪，由佢著住瀨屎褲，
係飯記同凱琪佢地嘈喧巴閉.......
做做下野會匿入cashier對住我喊到九彩既妹妹仔，
到今日係老尖返工既一個女人仔，
年尾仲要做埋我阿嫂.......短短幾年，轉變真係好大

夜晚同Déborah傾左好耐，我叫佢唔好感情用事，
而返南非做野，個世界仲好大~~~~~~
唔好o徒左年輕所擁有既無限可能性~~~~~

夜晚Aaron打黎，話聽日就會搬張床上黎，
咁我都要執定下野先...........
不過我估唔到有此一著，似乎要有打持久戰既準備
雖然我話俾佢住到直到佢搵到屋為止，
不過如果佢真係搵唔到我都無辦法...........
算啦，我都預左佢上得黎，都好難係一頭半個月既事~~~~

到夜晚，身體又好返好多，連喉嚨都無哂事.......
係爭耳內既氣壓仲未正常返~~~~
不過一日內分別有三個人都叫我臨訓前要食藥，
都聽話今晚食多劑啦，都唔想拖得太耐..........
聽日放工後可能好多野做~~~~~~

停左運作既日記，要再的起心肝再寫返
竟然拖到今日.........無野好講，一個字：懶

返到黎，大概可以形容為回歸平淡~~~~~
而自己既生活亦有少少頹廢，要好好修正下........

有時間要睇下新相機既操作同概念，
最近亦買左個tuner，Warren亦都教左我少少結他入門，
練到我手指尾超痛..........要克服所謂既keyboard手~~~~~

公司黎左兩個新同事，其中一個Vanna，
係幫我地Design team既，不過睇黎都只係幫手，
唔係頂替Warren個位........好似有d o徒氣.......
可能Warren仲係公司職員，但只係consultant，
所以公司唔搵一個較好既人黎做，
但Warren唔會長期係office...........
Chad開始有少少無皇管.........

Vanna graphic上都幫到下手，但電腦技術上未好熟，
應該讀完書無耐，問佢先知佢得22歲........
有次食飯Chad講開佢接受唔到男同性戀者做朋友，
Vanna就講自己係 lesbian~~~~
嗯.......工作上第二個認識既 lesbian~~~~

Déborah同我講暫定畢業後會返南非工作
今日剛從Paris返Lyons，問我呢度地址，
會寄postcard俾我~~~~㊣，有多張postcard儲~~~~

Guest House有新住客，但Aaron因而被迫遷......
因為新住客係三名女學生，黎之前已有Aaron係度，
黎到就要求Aaron搬出，而大部份屋內設施亦不淮使用，
所以Aaron要搵地方搬，所以佢晚上就黎我度同Déborah傾計，
如Arron限期到未搵到屋都要搬出，
咁到時我就會收留佢係我度先，直至佢搵到屋為止~~~~~~
不過到限期今日22號都未搵到Aaron，電話一直打唔通........
唯有等佢消息啦~~~~~~

香港部腦又有壞左幾日，阿霖今日拎去整，已經
話壞左display card.........要換過張，仲要重新裝過window
至於點壞，我已經無興趣去研究，反正已經面目全非.........

Leo個傻仔add左我msn後，都經常撩我傾下計，
而且仲有個兩年後大計，話要預埋我..........
佢仲好積極咁搵資料，不過仲係傻下傻下唔經大腦.......
我都想玩，但有錢先得架.........

自我走後，Anna生活上突然出現好大轉變，所以同佢傾多左計，
到現在相信已經撐過了........否極泰來，總會活得好的~~~~~

肥鍾通知我世界杯剛開始抽門票，聽日返公司同人研究下先
就算抽中但我出年睇唔到，都一定有人要囉~~~~~~

兩日裡面，有三個人分別問左我三條認真問題，
其中兩條係完全相同，而另一條則較震撼........
我真係俾佢考起........最後係投左降~~~~

元宵節晚肚痛，痛到我有衝動想入院......
幫Anna影完個明月後，依然好痛，類似係抽筋既痛法.......
用盡所有方法都止唔到痛，連訓係地下都試過......
最後o拍兩粒必理痛，再開缸熱水，浸住訓左成個鐘先無咁痛......
尋晚又有少少吽病，喉嚨唔舒服兼流鼻水........
食完藥好早就訓，到今日好返d，只係喉嚨仲有少少乾........
但打完呢篇，已經3:30am.......

呢個月記得既係咁上下啦，之後應該會keep返正常運作~~~~~~

八點零到Johannesburg，但去過關時竟然行錯路，
浪費左唔少時間，去轉機時都少少趕~~~~
上機前半個鐘先check in到
但呢度完全無人理我個handcarry細o急大細.......
係香港時d機組人員仲話呢邊仲嚴過香港.............

坐左兩個鐘機去Cape Town，呢程機隔離又無人坐......
好彩到我有d驚........
d運氣會唔會就咁用哂，繼而氣數已盡？.........

中午前已經出機場，返到屋企只係12點零，
返到黎總算鬆口氣，真係好唔鍾意搭咁長程機..........
不過是次行程，除左香港部份外，全都異常順利，
兩程機隔離都無人坐，連過海關時都無人要我開o急檢查~~~~

趁樓下未收工去買埋野先，
set好哂所有野，擺好對speaker，感覺好正，
至少，比起Laptop個內置speaker好聲好多~~~~~~

雖然程機訓得好耐，但都係散散地
都係早D上床休息，聽日就要返工~~~~~~

對住部電腦到六點半，阿媽起身，
問我去唔去飲茶？雖然好累，但都去啦，
無乜幾何.......

落左潮館飲茶，第一次咁早去飲茶，
但都差唔多爆滿.........不過全部都係公公婆婆
坐到九點半埋單，佢地買野我返屋企先
返去好累，但都係唔訓，留返今晚程機先........

食完晏就開始執行李，愈執愈重.......
最重都係箱speaker........
最後都係放棄部份食糧，等Arthur遲d再帶俾我......

食完晚飯，八點零出門口，阿媽同大姐送我落葵芳，
可能今次較耐先返啦，我無阻止地送我~~~~
搭的士到新都會轉巴士，上車時叫我自己小心d......嗯

Check in時個大o急過左5kg........我執返d野出黎入背囊先擺平......
但當上機前，工作人員見到我個細o急大左d，
又要我抽返些少野出黎.........但果一刻我先發現.......
我把密碼鎖壞左開唔到.........同個哥哥仔講返情況，
最後佢話當睇我唔到俾我上機..........真係兒戲.........

第一次坐機尾最後排，並且隔離無人，超lLucky~~~~
可以打橫咁訓，加上通完頂，上機無耐就訓著............
直到降落前兩個鐘~~~~~~~~

今次離開感覺比較沉重..........

留係屋企hea，到晏晚先出門口
出門口Anna打黎，佢係荃灣又出事........
呢一刻我真係幫唔到佢.......
只有用電話教佢點做........希望佢之後出到黎啦

去到老尖大排檔我law左位先，不過仲好早，
陳威、阿Joe、阿邪黎到，等左一陣，
都係食住等Bonnie同Anna........我真係有d唔好意思，
Bonnie收工差唔多八點半先黎到，
出去接佢時Anna打黎，順手執埋佢返去~~~~~
不過Anna個樣.........眼紅鼻紅.......
之後再叫多兩三樣碟野食，我仲硬砌左好多乳鴿.......
最後同各人合照，仲有一張左擁右抱既合照，
影完笑到阿邪猛話好㊣~~~~~~

散場同Anna、Bonnie行左陣街，主要睇Anna表演掃貨，
當然我都有出過唔少力啦~~~~~
之後同Bonnie係漆咸道分手，佢搭巴士去男友度~~~~~
我果刻真係唔捨得擰轉頭回望.........點解我仲會咁........
Anna仲叫我：行啦！~~~~~~

不過Anna狀態好差，跌左對剛買既手套，有人幫佢執返，
叫佢都唔應，我幫佢收左好耐佢先發覺唔見左..........
睇見咁真係幾擔心佢........

同佢落左MK轉小巴，上車前去左茶記坐陣傾計~~~~
唔係坐左好耐，佢都幾累所以早d走~~~~~
坐小巴時史提打黎，我送完Anna返屋企又同史提傾計，
佢想我聽日幫佢睇睇層樓隻鋁窗，
是但啦，唔好太耐就得，聽日飛我仲未執行李...........
返上去作最後衝刺，執好所有需要既電腦file.........
直到日出.............

尋晚玩到好夜訓，今日訓到中午就出去
約左阿Joe係灣仔等，今日主要係買o急......
同佢係灣仔道買完模型，就過對面馬路買o急
最後我買左一大一細.......細既handcarry上機.......
之後就搭巴士上佢度hea，幫佢整陣電腦，
影下佢既模型傑作~~~~~~
佢老豆返黎，見到我就入黎招呼，
佢老豆今次仲同我握手.........
彭生之後話我地兩個好(雞).......

八點前落樓食飯，飛的去華南食粉麵，
幾驚佢今日會無開......好彩唔係~~~~~~
呢碗牛腩雲吞河，要一年後先再有得食囉.......

拖住個o急去金鐘搭930返屋企，
落車時見仲早，打俾Anna問佢係邊？
原來佢返緊黎，我就係落車附近等佢
第一次見到阿腸，我估我應該見過佢....
Anna跟我返屋企擺低個o急，之後落光輝圍陪佢食粥
上返佢樓下傾計.......愈傾愈多野傾，
一傾，傾到三點半先散~~~~~~

聽朝無咩特別事要做，夜晚先約左食飯~~~~